आधुनिक शिक्षणातील प्रचलित प्रवाह

वर्तमान काळात शिक्षण क्षेत्रात नवनवीन प्रयोग होत आहेत. समाज हे प्रयोग आणि बदल स्वीकारण्याच्या मनस्थितीत असतो. जागतिक पातळीवर आपल्याला सर्वांगीण प्रभाव निर्माण करायचा असेल तर विशेष करून शैक्षणिक प्रयोग, प्रगती व विस्तारावर विशेष भर द्यावा लागेल. याच बरोबर वर्तमान स्थितीत जे शिक्षणाचे प्रवाह प्रचलित आहेत त्यांच्यातही काही नवे बदल करता येतील का याचाही विचार झाला पाहिजे. आधुनिक काळात संगणक आणि इन्टरनेट मुळे जग जवळ आले आहे. जी हवी ती माहिती गुगल मुळे क्षणात उपलब्ध होते. तंत्रज्ञानाने सर्व समाज व्यापला आहे. यामुळे त्या गतीने वैचारिक परिवर्तन अपेक्षित असते. हे वैचारिक परिवर्तन फक्त शिक्षणामुळे होत असते. या सर्व गोष्टींचा विचार करता आधुनिक काळातील शिक्षणातील काही प्रचलित प्रवाहांचा उहापोह करण्याचा प्रयत्न प्रस्तुत पुस्तकात लेखकाने केलेला आहे.